« T'AS RIN A DIRE »

sera peut être le texte de fin du spectacle 2008 de Philippe VanBellegem

A tous ceux qui depuis toujours trouvent à dire et à redire,

A tous ceux qui n’ ont jamais pu s’ empêcher de le remarquer,

A toutes celles que son volume a un jour fait fuir,

A toutes celles qui ne l’ ont jamais vu se recroqueviller ,

Je voudrais une bonne fois pour toutes leur dire

Ce que leurs commentaires ont pu provoquer,

Je voudrais une bonne fois, pour en finir,

Exprimer devant vous tout de go

Ce que je pense des réflexions de ces go-go.

Ne tournez pas le vôtre je vous prie,

Puisque c’ est de mon nez qu’ il est question ici.

Son histoire a commencé

Le jour même où je suis né.

Tous ceux qui se penchèrent sur mon berceau

Trouvèrent cet appendice pour le moins rigolo,

Et comme dans mon quartier on s’exprimait en chti,

J’ va ichi parler comme ché gins autour eud min lit.

J’ ouvro tout juste mes yux

Que l’ premier qu’y a parlé a dit : « min fiu,

Cré vingt diux que tarin,

Pour eul mucher te n’ auras pon assez d’tes deux mains. »

Chti d’ à côté y’a enchainé

Comme pour in rajouter :

« mi si au mitan de m’ figure j’ avo un tel machin,

J’ voudro su l’ champ qu’ in me l’ inlèffe,

Qu’ in l’ cope aussi ras qu’ in/ne pâture eud treffe.

Ch’ est mi possipe qu’ in garde des éfants avec un pif parel

Alors qu’ in tue des jon/nes cats

Avec leu tiots musiaux

Qui font pon l’ quart de l’ mitant d’cha.

Un mouviar pour y rintrer n’ a même pon b’soin d’ arplier ses ailes,

Y rinte et y sort d’ in/ne telle gaillole

Sans avoir à ralintir sin vol.

Si ch’ est un perchoir qu’ in a voulu li offrir,

Pour sûr qu’ in/ne cornalle n’ trouvera rin à r’dire.

A l’ automne, cha rimplachera ché fils

Si ché hirondelles veulent s’ y réunir.

Pauvre éfant comme y s’ro biau

Si y devo pon promener eud’sus s’figure

Ché deux caches à moniaux

Qui pour eul momint l’ défigurent.

Pauv’ tio, si j’ appuyo eud’sus sin blair

Cha n’est pon du lait qui sortiro

Des 2 tros d’ses nasiaux,

Cha s’ro l’ vaque toute intière

Aveuque eul fermière et sin siau pour eul traire.

Si un jour sin nez y s’ met à couler,

In va tous croire qu’ y arrive un raz de marée.

Si y’ est victime d’ in/ne hémorragie,

Ch’ est la mer toute intière qui va s’ artreuver rougie.

Pauv’coco, te n’ s’ra jamais comme in aute

Parce que tes parints t’ont fait avec in/ne parelle carotte.

Min tiot nin-nin t’ auro pu être biau

Si y n’t’ avotent pon fait un aussi gros nasiau.

Tout t’vie les gins vont t’ arvétier,

Ti, t’ figure et au mitan eut n’ énorme beignet. »

V’la sin que ché gins y digeotent

In même temps qu’ y m’ bersottent et qui m’dorlotottent.

Heureusemint qu’ j’ a pon passer tout m’ vie

Din chette maternité, avec tout leu conneries.

Y’a bin queque cose qui est sûr,

Ch’est que d’ pis que j’ sus né,

J’ n’ a intindu des vertes et des pas mûres

Sur min joli visage caché par min gros nez.

Mais un tel renifloir,

Cha a du bon, vous pouvez m’ croire.

Tout jon/ne j’ a vite compris

Que j’ devo surtout m’intéresser à mi.

Des affaires des autes je m’ suis jamais occupé

Car jamais j’ n’a mis min nez

D’ u qu’ y avo pon d’ iau pour eul laver.

J’ a souvint aussi appris à z’ aute la politesse

In leur disint que plutôt que d’ min nez

Y frot mieux d’ s’ occuper d’leu fesses.

J’ l’ a toudis dit gentimint

Mais avec fermeté… nez… in…moins !

Mi je n’ méprise pon min nez

Parce que mépriser sin nez, ch’ est mépriser s’ figure.

Si te n’ veux pon vire comint qu’ y est min nez,

T’as qu’ à arvétier mes chaussures !

Eud’ toute façon,

Les 2 font 2 pieds eud long.

Quand j’ éto un tiot quinquin,

Pour min nez j’ faisos souvint l’ co d’ poing.

Quoque j’ leur a fait des grosses patates

A cheusses qui l’prenotent pour eune bétterape.

Mais ach t’heure, j’ laiche dire,

J’ préfère eum’ taire et sourire.

Eud toute façon, te n’ peux pon impêcher

Eune langue d’aller et eune queue d’quien d’balancher

Parlez, parlez, in n’ sait pon sin qui va rester,

Mais mi j’ aura toudis min nez.

Vous voyez que d’min blase y’ a gramin à dire,

Eul source elle est pon là de ch’ tarir.

Eud toute façon, y faudra vous y faire

Ch’n’est pon pour vous que j’ va canger min blaire.

In dit souvint que ch’moquer d’soi même

Ch’est la plus belle forme d’humour.

Comme la nature a fait des siennes

En m’affublant de cette pomme d’amour,

Pour me soigner, je fais d’la scène

J’en ris, j’en parle sans détour,

La vérité, je vous l’assène

Et , dans vos yeux remplis d’humour,

Je vois maintenant que vous l’aimez

Il est heureux, ravi, comblé

Car le spectacle est terminé,

Il peut sortir , sans se retour….ner !

FRANCIS WAEGEMACKER

RUMEGIES

NOVEMBRE 2OO7